Haai oe julle stoute kabouters. Wat gebeur as Liewe Heksie deelneem aan Blommeland se eie Strictly Come Dancing? Weet sy dan ooit wat ’n wals is? En wat gebeur as Levinia die belangrike taak kry om die Silwerroos op te pas? Die Geelheks wil so graag haar kloutjies daarop kry, sodat al die blomme in Blommeland kan doodgaan. Maar Liewe Heksie sê sy beskerm die Silwerpapawer met haar lewe. Hierdie duo, wat Verna Vels se verhale opnuut lewe gee, is al talle kere benoem vir beste kinderteater en het die KKNK se Kanna reeds twee keer in hierdie genre verower.