Hierdie uitstalling nooi besoekers om die ryk queer-geskiedenis van Suid-Afrika te verken, deur ’n versameling van argieffoto’s uit die Kewpie-fotoversameling (geleen van die Distrik Ses-museum). Hierdie beelde word aangevul met navorsingsmateriaal versamel deur die Karoo Kaarte-span en wys hoe identiteit deur herinneringe gevorm word. Die uitstalling bevat ook kreatiewe werke van gemeenskapswerksessies, soos collages en kaarte, wat wys hoe die verlede aansluit by die hedendaagse ervarings van Oudtshoorn se queer gemeenskap. Dit vier hoe kuns en aktivisme ingespan kan word om uitdagings aan te pak, ’n gevoel van samehorigheid te bou en insluiting te bevorder. “Kiki” is ’n kleurvolle en beskrywende term uit die drag- en baldanskultuur, wat dui op ’n vrolike, speelse samekoms. Dit vergestalt die gees van viering, waar gesprekke vrylik vloei, waar daar altyd gelag word en kreatiwiteit blom – dink aan iets soortgelyks as die plaaslike uitdrukking “kaarte sny”. Hierdie term vang die wese van gemeenskap, samehorigheid en selfuitdrukking vas – wat aansluit by die atmosfeer en energie wat hierdie uitstalling sal oordra.