In 1966 ruk die moord van twee 12-jarige niggies, Issie Fourie en Petro Nel, die land. Hierdie is hul storie. Dit is ook die storie van André, Issie se broer, en die eed wat hy sweer om diegene verantwoordelik te vang. Dit sou hom 18 jaar neem.
Sluit aan by die kykNET-span en lede van Niggies se rolverdeling vir ’n interaktiewe aand waar ons saam die gebeure gaan ontleed met insiggewende gesprekke en ’n eksklusiewe voorskou van die reeks.
Niggies, kykNET se splinternuwe dramareeks, is gegrond op dié opspraakwekkende saak en ’n familie se soektog na antwoorde. Die rolverdeling bestaan uit ’n uitsonderlike ensemble met onder andere Beer Adriaanse, Carel Nel, Albert Pretorius, Tinarie van Wyk Loots, Jane de Wet en Erica Wessels. Die regisseur is Jaco Bouwer, wat onder meer vir die internasionaal bekroonde reeks Spinners verantwoordelik was. Die draaiboek is deur Saartjie Botha en Philip Rademeyer geskryf.
