Hier is ’n ding aanie komme! ’n BeHOORNlike ding. Iets so beHOORNlik soos die daarwees van die Swartberge. Dansers, wat beHOORNlik verhoë gaan beklim, soos die Kammanassie in die stroom van ritme gaan katterjak, en soos volstruise in die kamp van die kunste gaan baljaar! Hier is ’n ding aanie komme! Die stemme van die dorp wat soos voëls in die ore swetterjoel, kunssinnige hartsnare tokkel en musiektalent wat die HOORN lig. Alles van Oudtshoorn, tuisgemaak Oudtshoorn, soos volstruisknieskywe en -nek, soos huisjêm en bakbrood. ’n BeHOORNlike ding. Hier is ’n ding aanie komme!