Hierdie produksie is ’n interessante mengelmoes van die flamenco van Spanje, die moederland van die kitaar, met ’n klein bietjie Franse invloed, waar die Spaanse musiek grens aan Frankryk in die klein dorpie La Bolle. CH2 gooi ’n tikseltjie Italiaans en natuurlik ’n bietjie Afrikaans ook by. CH2 is bewese spesialiste om al hierdie style en genres saam te snoer, in ’n dinamiese uitvoering wat gehore op die punte van hul stoele laat sit. Hierdie veelbekroonde kitaarspelers het reeds wêreldwyd opgetree, en is met groot lof ontvang en staande toegejuig. Dit is ’n kitaarvertoning vir die hele gesin, met hope humor daarby.