Een digter, een akteur, een tjello, twee kitare. Woorde, stories, gedigte in harmonie. Soet water uit die donker put is Koos van der Merwe en Ivan Zimmermann se debuut saam op die verhoog. ’n Diepsinnige en skertsende blik op hoe alle lentes ná alle winters weer kom. Wat maak die vertoning uniek? Ivan en Koos se paaie het ’n paar jaar gelede op die Tuinroete gekruis. Deur hul liefde vir die natuur, woorde, note en skoonheid het hulle mekaar gevind. Soet water uit die donker put is ’n unieke oudiovisuele vertoning, gebore uit twee skeppende siele se sinergie. Hierdie twee gesoute kunstenaars word vergesel deur die weergalose tjellis Anjulie Nock.