Stand-up, komedie en satire is op die oog af ligte vermaak, ’n manier om te ontvlug van die daaglikse werklikhede en uitdagings van die lewe. En tog is dit komediante wat vreesloos die waarhede ontbloot en daarin slaag om gehore vir hul eie sondes en foute te laat lag. Is die narre en komediante die ware rigtingwysers en hoeders van ons samelewing? Verskeie komediante kom sê hul sê oor die gewigtige saak om komedie te skep.