Die gesprek sluit deelnemers (bekend en onbekend) in wat onder meer deel is van die KKNK se kortkuns-projek Blitsteater, straatkunstenaars en ander wat eksperimenteer met genres en nuwe idees. Wat is die uitdaging om met iets nuuts vorendag te kom? Is daar ondersteuning vir eksperimentele werk wat nie binne die kommersiële hoofstroom val nie? Hoe besluit gehore wat hulle wil gaan kyk en is hulle bereid om te waag om produksies te ondersteun waar die betrokkenes nie aan hulle bekend is nie?