Menige voormalige hoërskoolleerling sal haar onthou as die skrywer van die voorgeskrewe boek Die uurwerk kantel wat in 1976 verskyn het en intussen as klassieke werk herdruk is. Marié Heese is self ’n kenner op die gebied van onthou, en ’n meester van die historiese roman. In haar jongste boek, Die laaste dae, delf sy diep in die geskiedenis om die mense van Pompeii en Herculaneum in die jaar 79 n.C. aan die woord te stel. ’n Eenvoudige bokwagter besef dat Vesuvius weer gaan uitbars, maar die ander inwoners van die twee stede leef in ontkenning totdat die onvermydelike uiteindelik gebeur. Daniel Hugo, haar uitgewer, gesels met haar oor geskiedenis, letterkunde en die gawe om te kan onthou.