Sosiale media is ons hedendaagse joernale. Facebook, Instagram, Twitter en nou ook TikTok. Dis waar ons versamel, opteken, vaslê en dokumenteer. Gielie Hoffman deel in Naam Van Dier Dorp ’n keur van sy beste plasings wat saam ’n storie vertel oor mense en plekke waar ons die skanse laat sak. Reeds van kindsbeen af is hy nuuskierig oor ander mense se telefoonboekies, resepte-lêers, dagboeke en hoe hulle dinge rangskik. Lukrake goed wat tog met mekaar verbind kan word. Soos die speletjie van destyds, vang ons inligting vas en skep ons stelsels om sin te maak van hierdie wêreld. Gielie lig die sluier en nooi jou by syne in.
