Kom geniet ’n lipleklekker middagete saam met kulinêre voorligter en smaakmaker Elmarie Berry, skrywer van The Table: The Heartbeat of the Home. Dié kookboek is geskoei op Elmarie se Libanese ouma se resepte, en kombineer vrolike Suid-Afrikaanse geure met die ryk erfenis van Midde-Oosterse cuisine. Dit is ’n samesmelting van tradisie en vernuwing, van informele etes en groot feesmale – met fantastiese foto’s. Al die resepte het een ding in gemeen: Dit inspireer onvergeetlike oomblikke van samesyn met geliefdes om die etenstafel.