In StorieKos nooi Frik de Jager jou uit om saam met hom op reis te gaan van die Karoo tot in Kaïro en van Rusland tot in Rome vir ’n verhaal waarin hy sy passie vir plattelandse kos deel. Frik het byna vier dekades lank versamel aan resepte en stories van mense oor die wêreld heen wat hom by hul huise en harte ingenooi het om geheime familieresepte te verklap. Vir poeding is daar Marita Lamprecht se memoires My affair met sjokolade; die verhaal van ’n middeljarige vrou van Oudtshoorn wat op ’n dag haar eentonige kantoorwerk bedank om ’n chocolatier te word. Sy vertel van die opdraande pad wat sy gestap het om by die wêreld se top-sjokolademakers in België te leer oor ’n wêreld wat jou intrek in die gesmelte, blink voue van sjokolade en ’n euforie van geure.
