In Chris Karsten se jongste boek, Die keiser se duim, is twee private ondersoekers, Ella Neser en Lou Pepler, onderskeidelik op pad na België (romantiese redes) en Hongarye (om twee vermiste wynboere op te spoor). Iewers duskant die Donaurivier regeer daar ’n mafioso met die mag van ’n keiser. En dié kant van die Donau waak Kasca die Eend, ná etlike jare steeds op soek na sy liewe sus sodat Mamsie vir eens en vir altyd tot rus kan kom. In Constant van der Merwe se Ontvoer sien die oudpolisieman George Ekermans hoe ’n meisie in ’n bakkie ingedwing word. Hy sit die ontvoerder onmiddellik agterna, maar die man en die meisie verdwyn die nag in en al leidraad is ’n eienaardige goue hangertjie wat die meisie laat val het. . .