Leon Coetzee was 60 toe hy die eerste keer op ’n motorfiets geklim het. Ná ’n lang loopbaan as prokureur begin ’n splinternuwe lewensfase en ontdek hy die vryheid wat die langpad bied. Modder, klei en water vertel die storie van die bondgenootskap tussen ’n man en sy motorfiets en hoe sy BMW-avontuurmotorfietse hom uit ou, geykte denkpatrone help wegbreek het. Stephan Henrico is ’n beroepsoldaat en sedert 2017 ’n trotse inwoner van die Vrye Republiek van Volstruisville en Oudtshoorn waar hy as offisier in bevel van die Health Centre South Coast van die Suid-Afrikaanse Weermag gestasioneer is. In Verhale uit Volstruisville vertel hy met humor van die plekke waar hy al gewoon het, eienaardige kampeerbure aan die Weskus, die Olifantshoek-kerkkoor se moeite om noot te hou en die dag toe Lohatla se rugbyspanne Mafikeng se reuse kafgedraf het. Dit is ook ’n joernaal van sy gesinslewe, sy loopbaan as soldaat en sy perspektiewe op die lewe.