Wou jy nog altyd leer om suikerkoekies kreatief te versier en jouself ’n bietjie uit te daag? Hier is jou kans. Leer die basiese tegnieke van “flooding”, “wet on wet” en “wet on dry” onder leiding van Marita Lamprecht. Sluit aan by ander versier-entoesiaste en geniet ’n dag van suikerpret. Die tema van die sessies is Paasfees en elkeen ontvang ’n aantal koekies wat die tema uitbeeld, waaronder hasies, paaseiers, kruise en blomme. Toerusting wat benodig word, word verskaf. Dit sluit ’n resepteboekie, spuitsak, verskillende kleure aangemaakte versiersel en versierings in. Bykomende pakkies met koekies, asook houers met vooraf-bereide versiersel, word te koop aangebied en ligte verversing word bedien.