Drie van die bestes is ’n samekoms van drie kunstenaars, met drie uiteenlopende stemme en drie persoonlikhede in een produksie op die verhoog. Ondanks elkeen se uiteenlopende musiekstyl, van pop tot ballades en ligte klassieke musiek, is dit veral hul a capella- en samesang wat van hulle ’n gedugte kombinasie maak. As solokunstenaars is elkeen in ’n klas van sy eie en elkeen ’n ster in eie reg. Saam sorg hulle vir ’n ongelooflike kragtige musikale reis. Drie van die bestes het sy ontstaan meer as 25 jaar gelede by die KKNK gehad met die oorspronklike groep. Die huidige trio tree al vir drie jaar saam op en Johan Keller sluit vir hierdie vertoning by hulle aan op klavier.