Die ikoniese Joe Barber is 25! Om hierdie herdenking te vier, keer die span agter dié komedie, David Isaacs en Oscar Petersen, terug na die verhoog in ’n nuwe reeks aanbiedings. Joe Barber volg die avonture en staaltjies van Boeta Joe en Gamat by die geliefde barbierswinkel, en die gewilde karakters Washiela en Outjie maak ook ’n draai. Joe Barber hou steeds die rekord as die topverkoper-vertoning in die geskiedenis van die Grand Arena by die GrandWest, met hul vertoning in 2022 wat alle bywoningsrekords by die venue oortref het. “Toe ek en David ons eerste Joe Barber-vertonings 25 jaar gelede by die Skokiaan-teater opgevoer het, sou ons nooit kon dink dat  die karakters jare later steeds só gewild sou wees nie. Die lewens van Gamat, Joe, Washiela en Outjie lê ons aanhangers na aan die hart en ons voel uiters bevoorreg om steeds soveel liefde te ervaar!” – Oscar Petersen