Kalahari-waarheid is ’n verwerkte vertaling van Kalahari Rainsong wat handel oor die wedervaringe van Belinda Kruiper wat in 1997 begin werk het by die ontvangstoonbank van die Kgalagadi-oorgrenspark waar sy die San se vertroue gewen het en hulle met grondeise bygestaan het. Sy vertel kampvuurstories oor leeus, jakkalse en nimmereindigende duine aan Mvula Yoyo, ’n boorling van Victoria-Wes in die Noord-Kaap. Mvula is die voormalige transformasiebestuurder van Mediclinic Suidelike Afrika en ’n voormalige dosent aan die Fort Hare-Universiteit. Hy dien tans op die direksie van die Stigting vir Bemagtiging deur Afrikaans.