Sluit aan by Oudtshoorn se eie koffiemeester Johan Breunissen vir ’n ontdekkingsreis van smaak. Hierdie magiese avontuur van koffie en biltong is ’n ware fees vir die sintuie. Deelnemers proe unieke koffie uit Afrika, met ’n perfekte pasmaat van biltong of droëwors, insluitend gemsbok, volstruis en vlakvark. Leer meer oor die koffie se voorbereiding en roosterproses, met historiese verhale en snaakse stories wat ook ingesluit word – waaronder die ontdekking van koffie deur boerbokke, wat glo gedans het nadat hulle die bone geëet het. Verskeie gesondheidsvoordele van koffie word ook uitgelig. Moenie hierdie betowerende koffie-en-biltongervaring, wat beslis jou waardering vir die kuns waarmee koffie en biltong gemaak word, gaan verdiep, misloop nie. Kaartjieprys sluit jou eie pakkie Afrika-koffie en droëworshappies in.